- Група невладини организации од внатрешноста на државата го поддржуваат проектот „Скопје 2014“ за изградба на централното градско подрачје и сметаат оти тој е неопходен за метрополата.

- Скопје е главниот град и лицето на Република Македонија, а нашата држава заслужува да има достоинствено и угледно градско централно подрачје, место кое ќе биде репрезент на културните и естетски вредности на нашата историја, изјави на денешната прес-конференција Дивна Гошева од НВО „Гевидон“ од Гевгелија.

Според групата НВО од внатрешноста на државата,составена од Младинска мултикултурна заедница - Прилеп, Бистра - Кичево, Гевидон - Гевгелија, Симбиоза - Штип, Синергија - Штип, Центар за музичко сценска уметност - Велес, Зона - Кавадарци и ФАК - Прилеп, главниот град треба да има репрезентативни и стилски издржани проекти кои ќе бидат од корист за идните генерации.

- Свесни сме дека и на градовите од внатрешноста, местата од кои ние доѓаме, им се потребни проекти како што е „Скопје 2014“.
Затоа сметаме дека проектот „Скопје 2014“ е добар почеток на одбележување на периодот во кој се гради и придонесува за граѓаните на Република Македонија, рече Гошева.

Име

Емаил

Наслов

Коментар

намали | зголеми

Прочитав и се сложив со Правилата за користење.

Додади коментар