Спроведувањето на екстерните тестови во средните училишта и функционирање на електронската здравствена картица, се дел од проектите на државата кои ќе одат преку најмоќниот компјутерски систем во Македонија и поширокиот регион, т.н. супер компјутер, што денеска во Државниот завод за статистика свечено го пушти во употреба министерот за информатичко општество, Иво Ивановски.

“Овој централизиран систем и беше неопходен на нашата државна администрација. Тој значително ќе ги подобри услугите за граѓаните и приватниот сектор. Развојот на информатичкото општество продолжува со темпо кое што во извештајот на Европската комисија во 2010 ќе не стави во првите 15 земји“, изјави министерот Ивановски.

Овој компјутерски систем, во вкупна вредност од 700 илјади евра, е со капацитет истовремено да поддржува 100 илјади корисници и се состои од 13 блејд сервери од кои 8 се апликативни. Секој од 8-те сервери има по 8 јадра на процесори и 32 гигабајти на рам меморија. Секој од овие 8 сервери пак е дополнително виртуелно поделен на 8 сервери, како се добива впечаток дека има 64 моќни сервери.

Со денешното свечено пуштање во употреба, напомена министерот Ивановски, веќе се процесираат информации за екстерните тестови кои треба да се спроведат на крајот од учебната година.

Коментари (0)

RSS врска за коментари

Прикажи/Сокри форма за коментар

Име

Емаил

Наслов

Коментар

намали | зголеми

Прочитав и се сложив со Правилата за користење.

Додади коментар