Во Словачка, од први јануари, словачката круна заминува во историјата, а како официјална платежна валута се воведува еврото. Новата валута се очекува да ја поттикне економијата во земјата.

Словачка, по Словенија, е втората од новите земји-членки на ЕУ којашто ја воведува европската валута - еврото. Исто така, ова е и психолошко прашање, вели Игор Барат, владин ополномоштеник за еврото.

Идната година се очекува да донесе пресврт во светската економија, сметаат аналитичарите на Саксо банката, наведувајќи дека полошо не може да биде откако годинава се случија низа исклучителни настани, како намалувањето на цената на нафтата за 100 долари, пад на каматната стапка во САД на нула, пропаста на гигантот на Вол стрит – инвестиционата банка Лиман Брадерс.

Извесно е дека Македонија следната година ќе се соочи со забавување на економскиот раст и ќе биде успех доколку се оствари раст во интервал помеѓу 3 - 4,5 отсто.

Ваква оценка изнесе денеска гувернерот на Народната банка на Македонија (НБМ), Петар Гошев истакнувајќи дека 2009 година е мошне тешка за проекции.

Што и да направи новата администрација, Американците ги чекаат месеци, а можеби и цела година економски пекол, рекол економистот Пол Кругман, добитник на Нобелова награда за економија  за 2008 година.